ජනාධිපති ගෝඨාභය රාජපක්ෂ මහතාගේ ප්‍රධානත්වයෙන් අද රැස්වූ කොවිඩ් මර්දන විශේෂඥ කමිටු රැස්වීමේදී බුද්ධි අංශ විසින් අනාවරණය කරනු ලැබුවේ ගතවූ මාසය තුළ රට පුරා කිහිප අව්ස්තව්ක්දීම උද්ඝෝෂණ පවත්වා ඇති බවත් මේ සෑම උද්ඝෝෂණයක් සඳහා අවම වශයෙන් 1500කට අධික පිරිසක් සහභාගී වී ඇති බවට විශේෂඥ කමිටුව විසින් ජනාධිපති ගෝඨාභය රාජපක්ෂ මහතා දැනුවත් කරනලදී.
සෞඛ්‍ය උපදෙස් පිළිනොපැද ජන ඒකරාශි වීම රට පුරා කොවිඩ් පැතිර යාම වේගවත් වීමට හේතු වී ඇති බව බුද්ධි අංශ විසින් පෙන්වා දී ඇත.
කොවිඩ් රෝග ලක්ෂණ හේතුවෙන් කොළඹ ඇතුළු ප්‍රධාන නගර කිහිපයක රෝහල් වෙත දෛනිකව පැමිණෙන රෝගීන්ගේ ඉහළ යාමක් වාර්තා වී ඇත. කොවිඩ් රෝග ලක්ෂණ සහිතව රෝහල් වෙත පැමිණෙන කිසිඳු රෝගියෙකු අපහසුතාවට පත්වීමට ඉඩ නොතබන ලෙස ජනාධිපති ගෝඨාභය රාජපක්ෂ මහතා සෞඛ්‍ය අංශ ප්‍රධානීන්ට අද උපදෙස් ලබාදෙන ලදී.
මීට මාස කිහිපයකට පෙර ප්‍රධාන නගර කිහිපයක් ආශ්‍රිතව අතරමැදි ප්‍රතිකාර මධ්‍යස්ථාන සිටම සූදානම් කර ඇත. කොවිඩ් රෝග ලක්ෂණ පෙන්නුම් කරන්නන් පළමුවෙන් අතරමැදි ප්‍රතිකාර මධ්‍යස්ථාන වෙතත්, පසුව රෝගියාගේ තත්ත්වය නිරීක්ෂණය කර රෝහල් වෙතත් යොමුකිරීමේ අවශ්‍යතාවය මෙහිදී ජනාධිපතිතුමා පෙන්වා දෙන ලදි.එහිදී හදිසි ඕනෑම අවස්ථාවක ආසාදිතයන් අපහසුතාවන්ට පත්වීම වැළැක්වීමට එම මධ්‍යස්ථාන සැලසුම් කරන ලෙස උපදෙස් දෙනලදි.
දෙවන එන්නත් මාත්‍රාව ලබාදෙන ඕනෑම මධ්‍යස්ථානයකින් වයස අවුරුදු 30ට වැඩි ඕනෑම අයෙකුට පළමු එන්නත් මාත්‍රාව ලබාගැනීමට පහසුකම් සැලසීමට ද තීරණය කෙරුණු අතර. වයස අවුරුදු 18ට වැඩි මෙරට සමස්ත ජනගහණයට එන්නත් මාත්‍රා දෙකම සැප්තැම්බර් මසට පෙර ලබාදිය හැකි පරිදි එන්නත් ඇණවුම් කරඇතිබව වැඩිදුරටත් සදහන් කරණ ලදි.
රෝහල් මට්ටමෙන් ජනතාව අපහසුතාවයට පත්වීම වැළැක්වීමේ ක්‍රමවේදයක් සැකසීමට අමාත්‍යවරු, රාජ්‍ය අමාත්‍යවරු, සෞඛ්‍ය නිලධාරීන් සෘජුව මැදිහත් වන ලෙසට මෙහිදී ජනාධිපතිතුමා විසින් උපදෙස් ලබාදෙන ලදි.එන්නත්කරණය සහ ඉදිරි මෙහෙයුම් සම්බන්ධයෙන් කොවිඩ් මර්දන විශේෂඥ කමිටුව සමඟ අද (06) පෙරවරුවේ ජනාධිපති කාර්යාලයේ පැවති හමුවේදී ජනාධිපතිතුමා විසින් මේ බව සඳහන් කරණ ලදි.
තෙවන මාත්‍රාවක් සඳහා වුවද රජය සූදානම් වුවත් ජනතාවගෙන් රෝගය පැතිර යාම වැළැක්වීමට ලබාදෙන සහාය අවම වීම කණගාටුදායක බව විශේෂඥ වෛද්‍ය ප්‍රසන්න ගුණසේන මහතා විසින් පෙන්වාදෙනල්දී.
ජනාධිපතිතුමා මෙහිදී වැඩිදුරටත් සදහන් කරමින් ප්‍රකාශ කරසිටියේ රෝගය වැළඳීමෙන් වැළකී සිටීමට අවශ්‍ය උපදෙස් මාධ්‍ය මගින් ජනතාවට නිරන්තරයෙන් ලබාදීම සහ දැනුවත් කිරීම සෞඛ්‍ය විශේෂඥයන්ගේ වගකීම බවයි.
