එක්සත් ජාතීන්ගේ ආරක්ෂක කවුන්සිලයේ අසුනක් දිනා ගැනීමට ඉන්දියාව සමත්ව තිබේ.
එක්සත් ජාතීන්ගේ ආරක්ෂක කවුන්සිලයේ නිත්‍ය නොවන සාමාජිකත්ව අසුනක් සඳහා ඉන්දියාව තේරීපත්ව තිබේ.
ඒ කවුන්සිල මහා සම්මේලනය හමුවේ පැවැති ඡන්ද විමසීමකදී එහි සාමාජිකයින් 193 දෙනාගෙන් 184දෙනෙකුගේ ඡන්දය දිනාගනිමින්.
ආසියානු පැසිෆික් කලාපීය කාණ්ඩය යටතේ ඉන්දියාව තේරීපත්ව ඇත්තේ 2021 -22 කාලසීමාව සඳහායි.
ඉන්දියාවට අමතරව අයර්ලන්තය, මෙක්සිකෝව සහ නෝර්වේ යන රාජ්‍යයන්ද මේ සඳහා තේරීපත්වූ අනෙකුත් රාජ්‍යයන් වෙයි.
ඉන්දියාව මීට පෙරද එම අසුන සඳහා තේරීපත්ව ඇති අතර 2011 -12 කාලසීමාවත් සමඟින් එසේ සුදුසුකම් ලැබූ අවස්ථා ගණන 7ක්.
