මන්ත්‍රීවරුන්ට වාහන බලපත්‍ර ලබාදීම පිළිබඳ තීන්දුවක්

පාර්ලිමේන්තු මන්ත්‍රීවරුන් සඳහා තීරු බදු රහිත වාහන බලපත්‍ර ලබාදෙන ලෙස ඉල්ලමින් ආණ්ඩුවේ පක්ෂයේ හා විපක්ෂයේ මන්ත්‍රීවරුන් විසින් අත්සන් කළ ලියවිල්ල කතානායක මහින්ද යාපා අබේවර්ධන මහතා විසින් ජනාධිපති රනිල් වික්‍රමසිංහ මහතා වෙත බාර දී ඇත. නමුත් මේ සම්බන්ධව ජනාධිපතිවරයාගෙන් කිසිඳු ප්‍රතිචාරයක් නොලැබුණු බව කථානායකවරයා සඳහන් කොට ඇත. මෙම ලිපියට පක්ෂය හා විපක්ෂයේ මන්ත්‍රීවරු 116 දෙනෙකු අත්සන් තබා ඇති අතර මන්ත්‍රීවරුන්ට තීරු බදු රහිත වාහන බලපත්‍රයක් ලබාදීමේ ඉල්ලීමට පාර්ලිමේන්තු ගෘහ කාරක සභාවේ ද අනුමැතිය හිමි වී ඇති බව සඳහන් වේ. මේ අනුව මන්ත්‍රීවරුන් සඳහා වාහන බලපත්‍ර ලබාදීම හෝ නොදීම රජය තීරණය කරනු ලබන්නේ ඉදිරි සතියේදී බව වාර්තා වේ.