රට පුරා මේ වන විට ව්‍යාප්ත වෙමින් පවතින අධික කොරෝනා වසංගත තත්වය නිසා වාරියපොළ ප්‍රදේශයේ නිරාවිය සහ නිකදළුපොත යන ග්‍රාම නිලධාරි කොට්ඨාස දෙක මේ මොහොතේ සිට හුදකලා කිරීමට තීරණය කළ බව යුද හමුදාපති ජෙනරාල් ශවේන්ද්‍ර සිල්වා මහතා පවසයි.
මේ අතර, ඊයේ (22) මධ්‍යම රාත්‍රියේ සිට ක්‍රියාත්මක වන පරිදි කුලියාපිටිය පොලිස් වසම ද හුදකලා කෙරුණි.ප්‍රදේශයේ කොවිඩ් ව්‍යාප්තිය පාලනය කිරීම සඳහා එම තීරණය ගත් බව යුද හමුදාපතිවරයා වැඩිදුරටත් සඳහන් කළේය.
එම හුදකලා කිරීම් නැවත දැනුම්දෙනතුරු ක්‍රියාත්මකය.මේ අතර, ඉදිරියේ දි උත්සව පැවැත්වීමට අවසර දීමේ දි හඳුනාගන්නා ආසාදිතයින් සංඛ්‍යාව පිළිබඳ සැළකිලිමත් වන බව යුද හමුදාපතිවරයා පවසයි.
වෙසක් උත්සවය සම්බන්ධයෙන් ද එවැනි තීරණයක් ගැනීමට සිදුවිය හැකි බව ඒ මහතා වැඩිදුරටත් සදහන් කරන ලදී.
